Erlent samstarf

Erlent samstarf er öflugt í skólanum. Skólinn gefur nemendum og starfsfólki tækifæri á að stunda nám og þjálfun í útlöndum og þannig kynna sér skóla og fyrirtæki á erlendri grundu.

Nám og þjálfun í útlöndum

Nemendum í list-og verknámi gefst kostur á að taka hluta af starfsnámi sínu í útlöndum. Starfsnám erlendis er metið að fullu. Lengd dvalar getur verið 4-12 vikur fyrir nemendur.

Alþjóðleg samskipti auka víðsýni, efla skilning á mikilvægi tungumálakunnáttu og veita innsýn í líf og störf fólks í útlöndum. FB tekur þátt í fjölmörgum alþjóðlegum verkefnum, bæði Erasmus+ og Nordplus verkefnum. Á hverju ári fara nemendur og starfsfólk til útlanda til að taka þátt í ýmsum verkefnum, sækja námskeið eða taka þátt í nemendaskiptaverkefnum og starfsþjálfun tengda námi þeirra og störfum í FB. Skólinn sækir um náms- og þjálfunarstyrki fyrir nemendur sína, nýútskrifaða nemendur og starfsfólk. Skólinn er í samstarfi við skóla í flestum löndum Evrópu.

Alþjóðastefna og markmið

Stefna FB á sviði alþjóðamála er í megindráttum sú að veita nemendum tækifæri til að víkka út reynslu sína og gefa þeim kost á að stunda hluta af námi sínu erlendis. Við leggjum einnig áherslu á að kennarar og starfsfólk eigi kost á að heimsækja skóla, fyrirtæki og stofnanir elendis og kynnast þannig því sem er efst á döfinni í faggreinum, svo og aðferðum og áherslum í námi, kennslu og miðlun á hverjum stað. Gagnkvæmar heimsóknir stuðla að auknum gæðum námsins og auka starfsgleði meðal nemenda og starfsfólks. Því lítum við á erlent samstarf sem mikilvægan þátt í því að bjóða nemendum okkar nám í hæsta gæðaflokki.

Gæðavottun

Skólinn hefur hlotið aðild að Erasmus+ áætlun Evrópusambandsins (accredidation) sem gildir frá 2023-2027. Með aðildinni viðurkennir Landskrif­stofa Erasmus+ hæfni FB til að skipu­leggja og fram­kvæma góð náms- og þjálf­un­ar­verk­efni en gerð er krafa um gæði verk­efna þeirra sem fá vottun. Þá er mik­il­vægt að stofn­unin fram­fylgi stefnu­mótun sinni í alþjóðamálum og skólinn hefur birt alþjóðastefnu sína, sjá hér að neðan.

Stefna FB í alþjóðamálum á sviði starfsmenntunar.

Alþjóðafulltrúi

Ágústa Unnur Gunnarsdóttir kynningarstjóri er alþjóðafulltrúi skólans. Netfang hennar er agu@fb.is.