Netaðgangur, tölvur og hugbúnaður

FBNET er öflugt, þráðlaust netkerfi skólans, opið fyrir nemendur og starfsfólk. Nemendur geta nýtt eigin tölvur eða snjalltæki til að komast á netið. Á bókasafni eru tölvur sem nemendur geta notað. Guðjón Ívarsson kerfisstjóri aðstoðar nemendur og starfsfólk. Netfangið hans er gman@fb.is.

One Drive – Menntaský

Í OneDrive-skýjaþjónustu Microsoft geta nemendur geymt skjöl sín og unnið með þau. Aðgangurinn veitir þeim einnig heimild til að setja Office365-pakkann upp á fimm mismunandi tæki. Hægt er að setja pakkann upp á bæði Windows og Apple tölvur og einnig á síma með Android og IOS stýrikerfum. Nemendur geta sótt eftirfarandi forrit og unnið með þau, bæði í gegnum vafra og sem uppsett forrit á sínum tækjum: OneDrive, Word, Excel, Power Point, OneNote og Sway. Office365 er sótt inni á www.office.com.

Til að skrá sig inn þurfa nemendur að nota notendanafn sitt og lykilorð sem þeir fá sent í tölvupósti í upphafi skólagöngu. Kerfisstjóri skólans sendir tölvupóstinn úr netfanginu kerfisstjori@fb.is

Guðjón Ívarsson netstjóri aðstoðar nemendur við að tengjast ef vandamál koma upp. Netfangið Guðjóns er gman@fb.is.

Innan á vefslóðinni www.inna.is er námsskráningarkerfi framhaldsskólanna. Þar eru skráðar og varðveittar allar upplýsingar um námsferla nemenda, stundaskrár, viðveruskráningu o.fl. Sérhver nemandi fær aðgang að Innu og einnig geta forráðamenn nemenda undir 18 ára aldri fengið aðgang. Þeir sækja sér lykilorð í gegnum „gleymt lykilorð“ og nota eigin kennitölu.

Samskipti við nemendur og foreldra fara að hluta til í gegnum Innu og því er mikilvægt að skrá í Innuna virkt netfang nemanda og forráðamanns. Ef netfangið í Innu er ekki rétt skal senda tölvupóst til fb@fb.is með ósk um breytingu. Ef kennari forfallast, fá nemendur sendar upplýsingar þar um í tölvupósti í gegnum Innuna. Umsjón með Innu hefur Berglind Halla Jónsdóttir, áfangastjóri. Netfang hennar er bhj@fb.is.

Við mælum með að Apple notendur fari á Innuna í Chrome vafranum. Það er hægt að sækja hann í App Store.