Samskipti

Virðing, vellíðan, velferð

Nemendur og starfsfólk bera ábyrgð á því að rækta góðan skólabrag. Með því að sýna hvert öðru virðingu aukum við jafnrétti og vinsemd í samfélaginu. Með því að veita hvert öðru stuðning, hrós, tíma og athygli gerum við góðan skóla enn betri. Siðareglur kennara eru hafðar að leiðarljósi fyrir allt starfsfólk, en þar segir:

Kennarinn…

menntar nemendur.
eflir með nemendum gagnrýna hugsun, virðingu fyrir sjálfum sér og öðrum, umhverfi og menningu.
sýnir nemendum virðingu, áhuga og umhyggju.
skapar góðan starfsanda og hvetjandi námsumhverfi.
hefur jafnrétti að leiðarljósi.
vinnur gegn fordómum, einelti og öðru ranglæti sem nemendur verða fyrir.
kemur vel fram við nemendur og forráðamenn og virðir rétt þeirra.
gætir trúnaðar við nemendur og forráðamenn og þagmælsku um einkamál þeirra sem hann fær vitneskju um í starfi sínu.
viðheldur starfshæfni sinni og eykur hana.
vinnur með samstarfsfólki á faglegan hátt.
sýnir öðrum fulla virðingu í ræðu, riti og framkomu.
gætir heiðurs og hagsmuna stéttar sinnar.

Starfsfólk skólans gætir varfærni í notkun samfélagsmiðla. Huga þarf að mörkum einkalífs og vinnu og gæta þess að samskipti við nemendur séu eðlileg og fagleg.