Opin braut
Á opinni braut til stúdentsprófs setur nemandi sjálfur saman stúdentspróf sitt eftir sínu áhugasviði og velur hvaða leið hann vill fara. Nemandi tekur skólakjarna sem telur 123 einingar og velur til viðbótar 77 einingar. Á opinni stúdentsbraut er áhersla lögð á að nemandi velji sér áfanga eftir eigin áhugasviði. Námsbrautin er ekki hugsuð sem lykill að fyrirfram ákveðnum greinum á háskólastigi heldur setur nemandinn það saman á þann hátt að það samræmist áformum hans um áframhaldandi nám. Mikilvægt er því að nemandinn hafi ákveðnar hugmyndir um hvernig nám og störf hann hyggur á í framhaldinu þegar hann velur sér áfanga. Bent er á að við skipulagningu náms á opinni stúdentsbraut er nauðsynlegt að nemendur hafi samráð við náms- og starfsráðgjafa eða aðra fagaðila.
Inntökuskilyrði
Nemendur skulu hafa lokið grunnskólaprófi eða ígildi þess. Til að hefja nám á öðru hæfniþrepi í dönsku, ensku, íslensku eða stærðfræði þarf nemandi að hafa náð hæfnieinkunn B við lok grunnskóla eða að hafa lokið fyrsta þreps áfanga í þessum greinum. Nánar er fjallað um inntöku og inntökuskilyrði í skólanámskrá skólans.
Einingafjöldi: 200
BÓKNÁM
KJARNI BRAUTAR
KJARNI
| Námsgrein | Þrep 1 | Þrep 2 | Þrep 3 | ||||||||
| Danska | DANS | 2AA05 | 0 | 5 | 0 | ||||||
| Eðlisfræði | EÐLI | 2EU03 | 0 | 3 | 0 | ||||||
| Efnafræði | EFNA | 2GR03 | 0 | 3 | 0 | ||||||
| Enska | ENSK | 2AF05 | 2RF05 | 2RS05 | 3AL05 | 0 | 15 | 5 | |||
| Félagsvísindi | FÉLV | 1SF06 | 6 | 0 | 0 | ||||||
| Íslenska | ÍSLE | 2II05 | 2KK05 | 3NN05 | 3VV05 | 0 | 10 | 10 | |||
| Íþróttir | IÞRÓ | 1AS02/AD02 | 1GH02 | 4 | 0 | 0 | |||||
| Jarðfræði | JARÐ | 1GJ03 | 3 | 0 | 0 | ||||||
| Líffræði | LÍFF | 1GL03 | 3 | 0 | 0 | ||||||
| Saga | SAGA | 1FM03 | 2NV03 | 2NT04 | 3 | 7 | 0 | ||||
| Skyndihjálp | SKYN | 2EÁ01 | 0 | 1 | 0 | ||||||
| Sköpun | SKÖP | 2SL05 | 0 | 5 | 0 | ||||||
| Stærðfræði | STÆR | 2RM05 | 2FJ05/2MM05 | 2CT05 | 0 | 15 | 0 | ||||
| Upplýsingatækni | UPPT | 2UT05 | 0 | 5 | 0 | ||||||
| Fj. ein. | 103 | 19 | 69 | 15 |
BUNDIÐ ÁFANGAVAL
BUNDIÐ ÁFANGAVAL - ÍÞRÓTTIR -nemandi velur 2 einingar af 11
BUNDIÐ ÁFANGAVAL - RAUNGREINAR nemandi velur 5 einingar af 20
LOKAVERKEFNI - nemandi velur 3 einingar
FRJÁLST VAL
Aðrir óskilgreindir áfangar sem nemendur geta valið/metið á námsbrautinni
Lýsing: Nemendur velja að lágmarki 77 framhaldsskólaeiningar til viðbótar við kjarna sem er 123 einingar. Þeir áfangar sem kenndir eru hverju sinni eru í boði en nemendur á Opinni braut geta valið áfanga úr öllu áfangasafni skólans. Hafa þarf í huga við allt val að einingar á fyrsta þrepi geta verið 66 að hámarki, annars þreps einingar 100 að hámarki og það þurfa að vera að lágmarki 34 einingar á þriðja þrepi. Mikilvægt er að nemendur dýpki sig í ákveðnum greinum til að vera betur í stakk búnir að takast á við frekara nám og mæta aðgangsviðmiðum þeirrar námsleiðar sem þeir stefna á í háskóla.
