virðing ᐧ fjölbreytni ᐧ sköpunarkraftur

Áslaug jarðfræðikennari og Guðlaug íslenskukennari fóru með nemendur sína í valáfanganum ELDG3JÍ05 í vettvangsferð að Kleifarvatni, Seltúni og Grænavatni, á slóðir bókarinnar Eldarnir eftir Sigríði Hagalín. Í áfanganum kynnast nemendur því hvernig eldsumbrot og jarðhræringar birtast í þjóðsögum, goðsögum og nútímabókmenntum. Nemendur læra meðal annars að greina á milli skáldskapar og staðreynda. 🇮🇸🌋

Fánadagur heimsmarkmiða Sameinuðu þjóðanna um sjálfbæra þróun er í dag 25. september. Tilgangur fánadagsins er að minna á mikilvægi heimsmarkmiðanna. FB hefur verið UNESCO skóli frá árinu 2019 og flaggar með stolti heimsmarkmiðafánanum í dag og sýnir þar með skuldbindingu sína við heimsmarkmiðin og aðgerðirnar sem þau krefjast. #TogetherForTheSdgs

Á fræðsludeginum fóru rafvirkjanemar í Elliðaárdal, kíktu á laxana á brúnni og fengu svo leiðsögn um gamla rafveituhúsið og svæðið í kring. 🤗

Listnámsbrautin heimsótti nokkra áhugaverða staði í borginni á fræðsludeginum. Nemendur kynntust Sigga sjéní og fengu innlit í framtíðina í Þjóðminjasafninu, fóru í Hámu á Háskólatorgi í hádegismat og svo fengu nemendur kynningu á Eddu - húsi íslenskunnar og arkitektúrnum þar. 🇮🇸

Nemendur starfsbrautar fóru í skemmtilega ferð um Suðurnesin á fræðsludeginum. Farið var í heimsókn á Þekkingarmiðstöð Suðurnesja og svo á Kaffi Golu, Hvalsnesi auk þess að skoða kirkjuna á Hvalsnesi.😍🇮🇸

Fallegar myndir úr jarðfræðiferð til Þingavalla á fræðsludegi!🇮🇸

Nemendur af íþróttabraut skemmtu sér vel í Keiluhöllinni í dag!🎳🎳🎳😍#fræðsludagurinn

25 nemendur FB fengu frábærar móttökur þegar þeir heimsóttu Borgarleikhúsið í morgun. Þau voru sér og skólanum til mikils sóma.💜Í dag er sem sagt fræðsludagur og þá er kennsludagurinn brotinn upp og nám fer fram utan hefðbundinnar stundatöflu. Kennarar skipuleggja kennslufyrirkomulag fræðsludaga sem getur verið mismunandi eftir fagdeildum og kennslugreinum. Nemendur mega velja einn viðburð fyrir og einn eftir hádegi.😍🥳

Nemendur til New York! Allir 250 nýnemar FB hafa gengið einn kílómetra á dag með umsjónarkennara sínum frá upphafi skólaársins. Nú hafa þau gengið samtals 4778 km sem samsvarar vegalengdinni til New York í Bandaríkjunum. Til þess að fagna þessum áfanga skipulögðu umsjónarkennarar „eplaleit“ í Elliðaárdalnum. Meðal eplanna var eitt gullepli. Sá hópur sem fann gulleplið fékk sjálft „gulleplið“ í verðlaun, en New York er einmitt oft nefnd stóra eplið. Það voru umsjónarnemendur Hlífar íslenskukennara sem hrepptu hnossið! Til hamingu öll.👏💜

Alþjóðlegur forvarnardagur sjálfsvíga er 10. september og klæddust margir gulu í dag, bæði nemendur og starfsfólk. Gulur september er samvinnuverkefni stofnana og félagasamtaka sem vinna saman að geðrækt og sjálfsvígsforvörnum. Það er von undirbúningshópsins að gulur september, auki meðvitund fólks um mikilvægi geðræktar og sjálfsvígsforvarna, sé til merkis um kærleika, aðgát og umhyggju.💛@pietasamtökin💛 #gulurseptember💛

Kærleikur gegn ofbeldi💕💕💕

Í dag fóru 250 nýnemar í nýnemaferð ásamt umsjónarkennurum og Svövu Gunnarsdóttur félagsmálafulltrúa. Ferðin hófst á því að hópurinn gróðursetti tré í Kristinarlundi. Þá var farið á Úlfljótsvatn þar sem nemendur fengu að fara á kajak, í bogfimi, klifur, frisbí - golf og fengu pylsur. Svo var haldið til Selfoss og farið í ratleik sem nemendaráð NFB stýrði. 🥰 Þegar komið var tilbaka í FB fengu allir pizzu. Takk öll fyrir frábæran dag!💜☀️

Innilega til hamingju! Tveir fyrrverandi nemendur úr FB hlutu styrk úr Afreks- og hvatningarsjóði stúdenta Háskóla Íslands! Þetta eru þær Eowyn Marie Alburo Mamatias og Karina Olivia Haji Birkett. Við óskum þeim innilega til hamingju! Styrkirnir eru veittir nýnemum við Háskóla Íslands sem hafa náð framúrskarandi árangri í námi til stúdentsprófs og jafnframt látið til sín taka á öðrum sviðum, svo sem félagsstörfum í framhaldsskóla eða listum og /eða íþróttum. Eowyn stundar nám í geislafræði og Karina stundar nám í tölvunarfræði!💜👏 @haskoli_islands

Frábærri námsferð nemenda af fata-og textílbraut til Portúgal lauk með dagsferð til fallega bæjarins Sintra. Þau skoðuðu þar stórbrotinn garðinn, teiknuðu og undirbjuggu hönnun lokalínu sinnar og nutu náttúrufegurðarinnar. Skoðuðu Pena palas ævintýralega höll Fernandó II og fóru svo á MAAT safnið. Þar sáu þau geggjað heklað textílverk eftir Ernesto Neto ásamt fleiri flottum listamönnum. Þá keyptu nemendur efni fyrir lokalínu sína í Lissabon. Nemendur okkar voru algjörlega til fyrirmyndar í einu og öllu í ferðinni og tóku mjög virkan þátt í öllum viðburðum! 🇵🇹💜🇮🇸 Ferðin var styrkt af Erasmus+.

Nemendur á lokaári fata-og textílbrautar fóru á námskeið í WOW safninu í Portó í Portúgal. Mættu kl 10 um morguninn og voru til kl 18. Allir bjuggu til veski og slaufur úr korki. Síðan var fyrirlestur um kork og sjálfbærni. Allt mjög áhugavert og nemendur okkur stóðu sig með sóma. Með nemendunum í ferðinni eru kemnararnir Guðrún Árdís og Soffía ☀️🇵🇹 @erasmusplus_iceland

Nemendur á lokaári og kennarar af fata- og textílbraut eru í námsferð í Portúgal með styrk frá Erasmus+. Fræðandi og skemmtilegum degi varið á Serralves safninu í Porto. Æðislegur japanskur hönnuður Yayoi Kusama og frábær listaverkagarður þar sem nemendur teiknuðu og unnu hugmyndavinnu að lokalínu sinni.🇵🇹🇮🇸 @erasmusplus_iceland

Gleðilega Hinsegin daga 🏳️‍🌈 🏳️‍⚧️

Þessu flottu FB-ingar hafa staðið sig frábærlega í starfsþjálfun í Tartu í Eistlandi👏. Hildur Eva og Maya útskrifuðust af rafvirkjabraut í vor og voru á vinnustað í rafvirkun í Tartu. Matthías nemandi á húsasmiðabraut var líka í starfsþjálfun á vinnustað í Tartu. Til hamingju öll þið eruð best!💜 @erasmusplus_iceland @tartuvoco_international

Þau eru mætt til Tartu þau Matthías á húsasmiðabraut, Maya og Hildur Eva sem eru nýútskrifaðar af rafvirkjabraut. Þau fengu Erasmus styrk til að upplifa og læra með því að fara í starfsþjálfun í Tartu í Eistlandi á vegum FB! Þau verða í skólanum @tartuvoco_international fyrstu vikuna og fara svo á vinnustaði í starfsþjálfun. Benedikt húsasmíðakennari og Sigursteinn rafvirkjakennari fylgdu hópum út og kynntu sér skólann, hittu leiðbeinendur nemenda okkar og heimsækja vinnustaðina. Gangi ykkur rosalega vel í sumar!😍🇮🇸🇪🇪

Hrafnhildur, Ásdís og Kolbrún eru nemendur á brautinni nýsköpun, hönnun og listir í FB. Námið verður kennt í kvöldskólanum frá og með næsta skólaári. Í FB er hægt að sækja um Erasmus+ styrki til þess að fara til útlanda í nám og þjálfun. Það gerðu þær stöllur og eru nú í Flórens á Ítalíu á sumarnámskeiði í innanhússhönnun og skartgripahönnun í skólanum Accademia Riaci í Flórens!🇮🇹Stórkostlegt tækifæri! Gangi ykkur áfram vel stelpur! 🥰👏🇮🇹🇮🇸@erasmusplus_iceland

Þær Sæbjörg, Katrín, Sóley og Linda eru nemendur á snyrtibraut FB og fengu Erasmus styrk til þess aða fara í eins mánaðar þjálfun á spahótelunum Volcano og Bitacora á Tenerfie. Þær segjast skemmta sér kongunglega á eyjunni fögru. Þær vinna frá 10-16/12-18 og hafa þá nægan tíma til að nýta sólina í frítímanum! Samstarfsfélagar þeirra eru allar yndislegar og þeim var tekið opnum örmum strax á fyrsta degi. Nudd er langalgengasta meðferðin en þær hafa líka fengið að æfa sig á handsnyrtingu, fótsnyrtingu og andlitsmeðferðum á hvorri annarri sem og á samstarfsfélögum sínum. Gangi ykkur áfram vel stelpur!💜 @erasmusplus_iceland

Glæsilegur hópur útskrifaðist af snyrtibraut 27.05. í Hörpu! Innilegar hamingjóskir með frábæran árangur!👏💜 📸HAG

Frábær árangur hjá þessum duglega hópi sem útskrifaðist af húsasmiðabraut í Hörpu 27.05. Hópurinn fékk útskriftargjöf frá Bykó! Takk! Til hamingju öll! 👏💜

Þessi yndislegi hópur útskrifaðist af starfsbraut í Hörpu! Til hamingju öll með flottan árangur! 👏💜

Þessi flotti hópur útskrifaðist af rafvirkjabraut í Hörpu 27.05. Innilega til hamingju með glæsilegan árangur!💜

Glæsilegur hópur nýútskrifaðra sjúkraliða! Til hamingju öll með frábæran árangur!👏💜 📸 HAG

Glæsileg útskriftarhátíð FB fór fram í Hörpu í gær að viðstöddu fjölmenni. Óskum öllum innilega til hamingju með árangurinn! Theódór Helgi Kristinsson var dúx skólans með einkunnina 9.65. Valdís Valbjörnsdóttir sem útskrifaðist af snyrtibraut söng svo fallega. Theódór Helgi lék stórkostlega tvö verk á flygilinn. Hildur Eva Þórðardóttir sem útskrifaðist af rafvirkjabraut og sem stúdent hélt flotta ræðu fyrir hönd útskriftarnema sem og Garðar Freyr Bjarkason sem útskrifaðist bæði sem sjúkraliði og stúdent.💜Fleiri myndir koma fljótlega.

Snædís Draupnisdóttir nemandi á snyrtibraut FB fékk Erasmus+ styrk frá FB til þess að fara í einn mánuð í starfsþjálfun á skólasnyrtistofu í samstarfsskóla okkar í Helsinki í Finnlandi. Snædís vinnur frá 9-15 og gerir ýmsar meðferðir á viðskiptavinum. Þá kynnist hún því einnig hvernig starfinu er háttað í Finlandi og lærir nýja hluti og kynnist nýju fólki. Snædís er dugleg að kynnast menningu og listum í frítímanum og sendi okkur þessar fallegu myndir, takk! Gangi þér áfram vel kæra Snædís!💜 @erasmusplus_iceland

Í dag var undirritaður samningur um rekstur Fab Lab Reykjavík í húsnæði FB, Reykjavíkurborgar, háskóla-, iðnaðar og nýsköpunarráðuneytis og mennta- og barnamálaráðuneytisins um rekstur stafrænnar smiðju, til næstu þriggja ára. Til hamingju öll! @aslaugarna @asmundureinar @ethorsteinsson @fablabrvk

Fleiri skemmtilegar myndir frá Erasmusferð íþróttabrautar til Portúgals. Her má sjá nemendur meðal annars á brimbrettanámskeiði!🏄🏼‍♀️🏄‍♂️#erasmusportugal #erasmusporto #erasmusplus_iceland

Útskriftarsýning myndlistarnema FB. Metnaðarfull og stórglæsileg sýning. Hér eru svo sannarlega framtíðarlistamenn þjóðarinnar á ferð!👏💜

Óskum myndlistarnemum FB innilega til hamingju með frábæra útskriftarsýningu í Gerðubergi sem lýkur dag kl.13.👏💜

Dimmisjón i dag! Dagurinn hófst með morgunverði í matsal. Njótið dagsins elsku útskriftarnemar og takk fyrir öll góðu árin í FB💜🥳

Hin 18 ára Eva Sóllilja Einarsdóttir nemandi okkar á opinni braut fer á morgun til Litháen og keppir á Baltic Olympiad in Informatics/ Eystrasalts Ólympíuleikunum í forritun! Það eru 6 nemendur frá Íslandi sem voru valin til keppninnar. Það eru 10 lönd sem taka þátt. Til hamingju elsku Eva Sóllilja og gangi þér vel! 💜

Nemendur íþróttabrautar FB eru nú í náms- og kynnisferð í Lissabon og Porto með styrk frá Erasmus+. Nemendur heimsækja íþróttaskóla, fara á brimbrettanámskeið, strandblak, golf, hjólatúr og fleira. Með í för eru íþróttakennararnir Ágúst, Jóhann og Kristín Anna.☀️🇵🇹🇮🇸#erasmuslife🌍 #erasmusiceland

Vettvangsferð í framhaldsáfabga í jarðfræði. Farið var um Reykjanes og skoðuð áhrif innrænna og útrænna afla á myndun og mótun lands.🇮🇸. Þökkum Áslaugu jarðfræðikennara fyrir fallegar myndir💜

Nemendur snyrtibrautar fóru í Erasmusferð til Parísar!🇫🇷Nemendur ásamt kennurunum Nínu og Bergljótu kynntu sér meðal annars skóla og nám í snyrtifræði, heimsóttu snyrtivörufyrirtækið Academie, Guinot. Fóru á meiriháttar ilmvatnsnámskeið og upplifðu Hammam og menninguna í París. Velheppnuð ferð í alla staði og nemendur til fyrirmyndar.🇫🇷🇮🇸✨#erasmusplus #erasmusplusiceland #erasmusiceland

Mætum í Sunnusal á miðvikudaginn 17.04. Kl.11-12! Sviðslistamaðurinn Friðgeir Einarsson ræðir um samspil sviðslista og auglýsingagerða! Einstakt tækifæri til að hlusta á þennan frábæra listamann!✨✨✨

Í dag er skólafundur FB. Málefni fundarins eru samskipti. Skólafundur er lýðræðislegur vettvangur þar sem nemendur og starfsfólk skólans fá tækifæri til þess að segja sína skoðun á hin ýmsu málefni skólastarfsins. Á fundinum ræða þátttakendur saman í litlum hópum og skrá niður hugmyndir og vangaveltur. Með þessu fá allir að hafa rödd og hafa þannig áhrif innan skólans!💜

Nemendur í valáfanga um Pólland fóru til Kraká og Auschwitz ásamt Andra sögukennara. Hér má sjá nokkrar myndir úr ferðinni!🇵🇱

Söngkeppni framhaldsskólanna fer fram 6. apríl á Selfossi. Sigurborg keppir fyrir hönd FB! Fylgjumst með og kjósum okkar frábæru Sigurborgu💜Sýnt á RÚV kl.19:45!

Frábær árangur FB-inga! Nemendur FB hafa staðið sig vel undanfarið með frábærri frammistöðu á ýmsum sviðum og verið sjálfum sér og skólanum til mikils sóma. Við erum virkilega stolt af því og óskum þeim öllum til hamingju með árangurinn. Sjá nánar á meðfylgjandi myndum.💜👏

Vampíra sigraði Músíktilraunir 2024! Þrír meðlimir Vampíru eru FB-ingar, þeir Þórsteinn Leó, Heiðar og Óðinn Rafn. Innilega til hamingju👏💜 Gítarleikari Músíktilrauna var valinn Þórsteinn Leó! Vel gert!👏👏👏

Í síðustu viku fékk skólinn ánægjulega heimsókn. Það var sendiherra Bandaríkjanna á Íslandi, Carrin F. Patman sem heimsótti okkur í um 2 klukkustundir. Hún fór stutta gönguferð um skólann ásamt skólameistara og fylgdarliði, heimsótti nemendur í félagsvísindaáfanga, hélt fyrir þau erindi og spjallaði við þau. Loks heimsótti hún Fab Lab Reykjavík. Heimsóknin var mjög ánægjuleg og nemendur okkar voru til mikillar fyrirmyndar. @usembreykjavik

Eva Sóllilja Einarsdóttir varð í fyrsta sæti í forritunarkeppni framhaldsskólanna, Beta deild! Keppnin var haldin í Háskólanum í Reykjavík dagana 8. og 9. mars og var Eva Sóllilja ein í liði en venjulega eru þrír þátttakendur í hverju liði. Stórkostlegur árangur! Til hamingju elsku Eva Sóllilja💜👏

Í dag komu 4 rafvirkjanemar frá verkmenntaskólanum í Tartu í Eistalandi til okkar í heimsókn ásamt tveimur kennurum. Nemarnir verða í starfsþjálfun í fjórar vikur hjá okkur og fyrirtækinu Rafboga. FB hefur sent verknámsnemendur til Eistlands undanfarin 10 ár og hafa nemendur okkar verið mjög ánægð með dvölina þar. Ágústa Unnur alþjóðafulltrúi FB tók á móti hópnum. @erasmusplus_ @tartuvoco_international Welcome to Iceland🇮🇸🤍🇪🇪

Góðir gestir hjá okkur. Tveir þingmenn VG komu í heimsókn í FB í vikunni, þau Orri Páll og Katrín Jakobsdóttir. Hópur nemenda og starfsfólks ræddu við þingmennina um ýmis málefni skólasamfélagsins sem brenna hvað mest á nemendum í dag. Fundurinn var virkilega innihaldsríkur og góður. Þökkum þeim Orra Páli og Katrínu innilega fyrir komuna💜

Vetrarfrí og námsmatsdagar framundan! Mánudaginn 19. febrúar er vetrarfrí og skólinn lokaður. Dagana 20.-23. febrúar eru námsmatsdagar. Hefðbundin kennsla hefst aftur mánudaginn 26. febrúar.❄️

Til hamingju Sigurborg! Hun sigraði söngkeppni FB og keppir fyrir okkar hönd í Söngkeppni framhaldsskólanna í apríl! Okkar best fólk í söngkeppninni voru auk Sigurborgar þau Júlíus og Lovísa Margrét💜 Til hamingju öll með frábæra frammistöðu💜👏💫

Erin Casey snyrtifræðikennari við Galway Technical Institute á Írlandi hefur undanfarna daga haldið meiriháttar lærdómsríkt námskeið fyrir snyrtifræðinemana okkar. Hèr má sjá hana ásmt Nínu fagstjóra snyrtibrautar. Takk innilega fyrir komuna elsku Erin og þitt frábæra námskeið💜#erasmusplusiceland #erasmusexpert #erasmusplus

Góðir gestir í FB í dag! Í dag komu 50 yndislegir nemendur 10. bekkjar úr grunnskólum Grindavíkur til okkar í heimsókn. Gangi ykkur vel í framtíðinni elsku Grindvíkingar💜

Til hamingju FB!💜Spænskuhátíðin var haldin á dögunum í Veröld – Húsi Vigdísar. Spænska Sendiráðið á Íslandi heldur keppnina. Nemendur gerðu stuttmynd og hver skóli sendi eitt myndband frá sér í keppnina. Í ár áttu nemendur að vinna með Heimsmarkmið númer 4 „Menntun fyrir alla“. Skólarnir sem unnu í ár voru Versló, MH og FB! Í liði FB voru þau Carmen Lea, Ice, Funi Freyr og Hermann Þór. Kennari þeirra er Auður Lorenzo spænskukennari! Verðlaunin voru spænskunámskeið í viku (skóli fyrir hádegi og ferðir eftir hádegi), gisting og hálft fæði í Háskólanum í Santiago de Compostela fyrir 4 nemendur og kennara.👏👏👏🇪🇸🇮🇸

Nemendur okkar sem öll eru virk í NFB, nemendafélgi FB tóku þátt í lærdómsríku Evrópuverkefni í Belgíu ásamt nemendum frá Ítalíu og Belgíu. Nemendur okkar stóðu sig frábærlega og voru til mikils sóma í einu og öllu.💜Við erum virkilega stolt af ykkur!🇮🇸🇧🇪🇮🇹🇪🇺

Í dag fóru 11 nemendur úr FB til Belgíu. Þau taka þátt í mjög spennandi Evrópuverkefni með tveimur öðrum skólum, annar er frá Belgíu, hinn frá Ítalíu. 🇮🇹🇧🇪🇮🇸 Verkefnið snýst um málefni Evrópu, gildi og samfélag. Nemendur munu bregða sér í hlutverk þingmanna Evrópuþingsins og mun hver skóli leggja fram frumvarp, fjalla um þau og greiða atkvæði eins og þau væru á þingi. Þá munu þau heimsækja Evrópuþingið í Brussel!🇧🇪 Þau dvelja í hinum fornfræga kastala í Alden Biesen. Við óskum þeim góðs gengis og munum fylgjast með ævintýrum þeirra þessa viku! Með í för eru þær Hrafnhildur Hafberg fagstjóri og Svava Gunnarsdóttir félagsmálafulltrúi.🇮🇸🇮🇹🇧🇪🇪🇺

Til hamingju FB! Gettu betur lið okkar sigraði lið FSU í 16 liða úrslitum! Við erum því komin í 8 liða úrslit! Næsta viðureign verður í sjónvarpinu 29. febrúar en þá keppum við á móti liði MH. Áfram FB! Fulla ferð! 🎉🤩💜

Lið FB sigraði lið FÁ í fyrstu viðureign Gettu betur í Útvarpshúsinu í gær! 👏Í liði FB eru þau Bergdís, Davíð og Steindór. Varamaður er Markús Ægir. Þjálfarar eru Tryggvi Dór Gíslason og Elmar Gísli Gíslason. Til hamingju öll!💜

Gleðilegt ár elsku FB-ingar og aðrir vinir skólans!💫 Kennsla hefst samkvæmt stundaskrá 4. janúar! Hlökkum til að sjá ykkur!💜 Við bendum ykkur á að þeir nemendur sem eru skráðir í íþróttir (áfanga sem byrjar á ÍÞR…) hafa aðgang að World Class Breiðholti á virkum dögum frá kl. 8-16, án endurgjalds. Aðrir geta fengið þannig aðgang með því að skrá sig á skrifstofu skólans. 🏋️‍♀️

Glæsilegur útskriftarhópur FB sem útskrifaðist 20. desember í Silfurbergi Hörpu💫 Til hamingju öll💜

Árlega er efnt til samkeppni um gerð jólakorts í FB.💫Samkeppnin er auglýst meðal nemenda og er sigurtillagan notuð í jólakort skólans. Fyrsta jólkort FB kom út 1993! Jólakortið er rafrænt í ár. Frestur til að skila út tillögum rann út 5. desember. Alls bárust 15 tillögur. Sigurvegarinn að þessu sinni er Blær Þorfinns, nemandi á myndlistarbraut. Verðlaunin verða afhent við útskrift þann 20. desember 2023. Dómnefnd skipuðu Kolbrún Sigurðardóttir fagstjóri listnáms, Harpa Dögg Kjartansdóttir og Guðrún Hrefna Guðmundsdóttir skólameistari sem jafnframt var formaður dómnefndar. Til hamingju Blær!💜

Starfsbraut FB gerir góðverk! 💜 Starfsbraut FB færði SOS Barnaþorpunum peningagjöf að upphæð 88.800 kr. Tekjurnar eru afrakstur sölu á jólamarkaði sem þau héldu í síðustu viku. Verkefnið var hluti af Heimsfræáfanganum sem allir nýnemar taka þátt í! SOS Barnaþorpin tóku vel á móti hópnum þegar þau mættu til að afhenda gjöfina. Það voru kennararnir Salóme Huld Garðarsdóttir, Hrefna Hugadóttir og Hrafnhildur Gísladóttir sem héldu utan um verkefnið. Vel gert öll👏💜

Árlegi jólapeysudagur FB🎄

Fulltrúi FB á norrænum leiðtogafundi. 💫Stefán Örn Ingvarsson Olsen nemandi á rafvirkjabraut var fulltrúi FB á norrænum leiðtogafundi barna og ungmenna sem haldinn var í Hörpu sl. helgi. 👏💜Fulltrúar barna og ungmenna frá Norðurlöndunum ræddu ýmis málefni sem snerta þau, t.d. umhverfismál, skólamál, frið, geðheilbrigði, lýðræði o.fl. Markmið fundarins er að auka samstarf barna og ungmenna á öllum Norðurlöndunum og gefa röddum þeirra farveg svo hún berist ráðamönnum. Ásmundur Einar Daðason mennta- og barnamálaráðherra setti fundinn og Guðmundi Inga Guðbrandssyni félags- og vinnumarkaðsráðherra var afhent aðgerðaráætlun sem samþykkt var á fundinum. Meðfylgjandi eru myndir af Stefáni Erni fulltrúa FB í góðum félagsskap. Myndirnar eru fengnar af vef Stjórnarráðsins og instagramsíðu félags- og vinnumarkaðsráðherra.

Vettvangsferð í Víðidal í góða verðinu. Nemendur í jarðfræði skoðuðu ýmis náttúrufyrirbæri ásamt Áslaugu jarðfræðikennara sem tók þessa fallegu mynd🇮🇸💫🤍

Á degi íslenskrar tungu færði forseti Íslands, Guðni Th. Jóhannesson þeim sem kenna íslensku sem erlent mál þakkir við hátíðlega athöfn á Bessastöðum. FB átti fjóra starfsmenn í móttökunni, þær Brynju Stefánsdóttur, Gunnhildi Guðbjörnsdóttur, Hönnu Ásgeirsdóttur og Jóhönnu Kristínu Guðmundsdóttur. Nemendur með erlendan bakgrunn nálgast nú 20% af heildarfjölda nemenda í íslensku skólakerfi. Þökkum öllum sem vinna þetta mikilvæga starf!🤍🇮🇸

Allir nýnemar eru í áfanganum HFRÆ þar sem nemendur vinna sjálfstætt með heimsmarkmið Sameinuðu Þjóðanna. Mörg virkilega flott verkefni eru að fæðast og hér má sjá smá nokkra hópa að störfum í dag!👏👏👏

Taktu þátt í árlegu jólakortasamkeppni FB! Peningaverðlaun í boð! Öll mega taka þátt❤️ Í ár eru 30 ár frá upphafi jólakortasamkeppni FB! Skemmtileg hefð! Verklýsing á skrifstofu skólans! #fbmyndlist

Skólafundur var haldinn í gær með breyttu sniði. Starfsfólk og nemendur ræddu málefni sem varða okkur öll í skólanum í dag. Virk og góð umræða skapaðist á öllum borðum. Málefnin voru skólareglur, raunmæting, mötuneyti, íslenskuþorpið, skólaráð og fleira. Takk öll sem tókuð þátt og takk NFB👏💜

Til hamingju öll með glæsilega sýningu! 💫Syningin 'Gildi' opnaði laugardaginn 4.nóvember og stendur til 4. desember. Utskriftarnemar myndlistarbrautar sýna verk sem þeir unnu i vinnustofu-áfanganum á bessari önn. Syningin er i Hinu Húsinu og er opin fyrir alla, allir velkomnir og það er fritt inn💜

Þökkum forsætisráðherra Katrínu Jakobsdóttur og mennta- og barnamálaráðherra Ásmundi Einari Daðasyni innilega fyrir komuna og mjög góðar samræður💜

Föstudaginn 13. október var undirritaður samstarfssamningur um sjálfbært hús á lóð skólans. Guðrún Hrefna Guðmundsdóttir skólameistari skrifaði undir samninginn fyrir hönd FB, Ingibjörg Ólafsdóttir framkvæmdastjóri framleiðslu og sjálfbærni fyrir hönd Rafal og Ásgeir Ásgeirsson deildarforseti iðn- og tæknideildar fyrir hönd Háskólans í Reykjavík. Til hamingju!👏👏👏

Sjálfbært hús rís nú senn á skólalóðinni okkar! Í dag var steypuvinna fyrir plötuna undir húsið í fullum gangi. Verkefnið er samvinnuverkefni nemenda og kennara á húsasmiðabraut, rafvirkjabraut og verkfræðideildar Háskólans í Reykjavík. Stefnt er að því að nota eingöngu sjálfbæra orku til að hita upp húsið og rafvæða það. Þá verða notaðar sólarsellur og vindorka í þeim tilgangi. Ekki hefur verið ákveðið hvernig við nýtum húsið en allar hugmyndir eru vel þegnar.💜

Þökkum mennta- og barnamálaráðherra Ásmundi Einari Daðasyni innilega fyrir komuna í FB í dag🙏Upplýsandi og gefandi umræður sköpuðust milli ráðherra og nemenda sem og stjórnenda á bókasafni skólans. Í lokin leit ráðherra meðal annars inn í tíma hjá erlendum nemendum og skoðaði byggingu sjálfbæra hússins okkar á skólalóðinni💜

Fræðsludagur FB heppnaðist vel að vanda. Nemendur og kennarar fóru í fjölmargar vettvangsferðir í blíðskaparveðri. FB - ingar voru til fyrirmyndar í allri framkomu og umgengni eins og alltaf! Takk fyrir góðan dag💜

Fræðsludagurinn hjá Starfsbraut FB!

Stór viðburður í dag með góðum gestum! Heimsfræ er nýr áfangi sem er kenndur á haustönn í FB og byggir á Heimsmarkmiðum Sameinuðu þjóðanna og eru nýnemar, alls 230 nemendur skráðir í áfangann. Markmiðið er að fá nemendur til að verða meðvitaða um umhverfi sitt og stöðuna í heiminum í dag og ekki síst að læra um og komast að því hvað þau geta gert til að gera heiminn að betri stað. Upphafsdagur áfangans var í dag og fengum við frábæra gesti til þess að koma nemendum í rétta gírinn! Ragga Hólm dj kom öllum í stuð og Andri Snær Magnason rithöfundur flutti magnað erindi sem snerti hjörtu allra. Ásmundur Einar Daðason mennta-og barnamálaráðherra hvatti nemendur til dáða og allra góðra verka. Boðið var upp á gómsætar veitingar og að lokum völdu nemendur sér Heimsmarkmið til að vinna með næstu vikurnar. Þökkum öllum góðum gestum fyrir komuna sem og kennurum áfangans og ykkur elsku nýnemar fyrir þátttökuna í dag💜@asmundureinar @andrimagnason @raggaholm @unaiceland

Metfjöldi nýnema hóf nám í FB í haust. Rúmlega 250 nýnemar voru teknir inn í skólann! Langflestir þeirra eða um 200 nemendur fóru í nýnemaferðina í dag. Ferðin hófst á því að nýnemarnir plöntuðu trjám í Kristínarlundi, sem er í eigu FB. Því næst lá leiðin á Úlfljótsvatn og þar sigldu nemendur á vatninu og pylsur grillaðar. Því næst var farið í ýmsar skoðunarferðir. Að ferð lokinni var öllum boðið í hamborgaraveislu í matsal skólans. Við bjóðum alla nýja FB-inga hjartanlega velkomna í skólann og vonum að ykkur eigi eftir að líða vel hjá okkur💜

Snyrtifræðinemarnir þær Helga Stefánsdóttir, Kristín Ýr Gísladóttir og Maríanna Rós Márusdóttir héldu flotta kynningu í dag í Mánasal og sögðu í máli og myndum frá mánaðardvöl á Tenerife í sumar. Þær fóru á vegum FB og með styrk frá Erasmus+. Þær stóðu sig frábærlega vel og fengu ómetanlega starfsþjálfun á þremur lúksushótelum og nutu sólar og sumars þess á milli! Áhugasamir list-og verknámsnemar geta sótt um starfsþjálfun í útlöndum á fb.is undir Erlent samstarf💜#erasmusinternship #erasmusiceland #tenerifejobtraining #erasmusplusiceland

Upphaf haustannar 2023! Töflubreytingar fara fram í FB þriðjudaginn 15. ágúst frá 8:30-16:00 í stofu 204. Kennsla hefst í dagskóla samkvæmt stundaskrá föstudaginn 18. ágúst. Hægt verður að sækja stundatöflur í upplýsingakerfi skólans föstudaginn 11. ágúst, sjá www.inna.is. Nýnemadagur verður fimmtudaginn 17. ágúst í matsal skólans kl. 15-17. Nýnemakvöld verður svo 23. ágúst og nýnemaferð 31. ágúst. Nýnemar og foreldrar/forráðamenn verða boðuð í viðtal hjá umsjónarkennara í ágúst. Hlökkum til að sjá ykkur öll💜

Nú þegar innritun í framhaldsskóla er lokið gleður okkur að segja frá því að 255 nemendur sem voru að ljúka grunnskóla hafa fengið skólavist í FB auk þess sem 191 eldri nemendur hefja nám í FB í haust. Útlit er fyrir að 1270 nemendur muni stunda nám í FB í dagskóla á komandi haustönn. Bréf mun berast nýnemum og forráðamönnum á komandi dögum með upplýsingum um skólabyrjun en jafnframt er helstu upplýsingar að finna á heimasíðu skólans: https://www.fb.is/velkomin-i-fb/ Við hlökkum til að taka á móti nýnemum sem og eldri nemendum í ágúst!

Fleiri myndir frá útskriftarhátíðinni. 1. Rafvirkjabraut 2. Sjúkraliðabraut 3. Snyrtibraut 4. Húsasmiðabraut 5. Natalía Hrafnsdóttir flutti ávarp fyrir hönd nýútskrifaðra. 6. Kjartan Helgi Guðmundsson flutti ávarp fyrir hönd nýútskrifaðra og var jafnframt dúx skólans. 7. Stefáni Andréssyni var þakkað fyrir langan og farsælan starfsferil en hann lætur nú af störfum. Allar myndir frá útskriftinni má nálgast á myndasíðu skólans: https://www.flickr.com/photos/188719397@N05/albums/72177720308709513 Myndirnar tók Haraldur Guðjónsson Thors ljósmyndari.

Í gær, 27. maí, voru 163 nemendur útskrifaðir frá FB, þar af 20 með tvö próf. Athöfnin var haldin í Silfurbergi Hörpu við húsfylli og mikinn hátíðleik. Guðrún Hrefna Guðmundsdóttir skólameistari stýrði athöfninni og Víðir Stefánsson aðstoðarskólameistari flutti yfirlitsávarp. Lovísa Margrét Eðvarðsdóttir, fyrsta árs nemi á myndlistarbraut, söng tvö lög við undirleik Pálma Sigurhjartarsonar en auk hans lék Jakob van Oosterhout á trompet. Fjölmargir nemendur hlutu verðlaun og viðurkenningar fyrir góðan námsárangur, dúx skólans var Kjartan Helgi Guðmundsson sem útskrifaðist af húsasmiðabraut en lauk einnig stúdentsprófi. Ræður nýútskrifaðra fluttu þau Kjartan Helgi og Natalía Hrafnsdóttir sem útskrifaðist af rafvirkjabraut auk þess að ljúka stúdentsprófi. Til hamingju öll! 💜 Myndirnar tók Haraldur Guðjónsson Thors ljósmyndari en fleiri myndir birtast á næstu dögum.

Nú styttist óðum í útskriftarhátíð FB en í lok apríl gerðu útskriftarefni sér glaðan dag og dimmiteruðu í tilefni væntanlegrar brautskráningar. Nokkrir nemendur sáu um skipulagninguna með liðsinni Engilberts kennara. Dagurinn byrjaði á morgunverði í boði skólans, nemendur fóru svo um skólann og spjölluðu við starfsfólk en því næst var haldið niður í miðbæ í ratleik og áframhaldandi skemmtun. Góður dagur hjá glæsilegum hóp!

Flottur hópur starfsbrautarnemenda er lentur eftir vel heppnaða útskriftarferð til London. Sigling á Thames, leikhús, Madame Tussauds, London eye og fleira og fleira. ✈️🌍🇬🇧

Nú eru einstaklega skemmtilegar myndir til sýnis á 3. hæð í nýbyggingu eftir nemendur á 2. önn myndlistarbrautar. Í fjarvíddaráfanga hafa þau annars vegar teiknað herbergi heima hjá sér og hins vegar valið sér rými í skólanum til að teikna. Einnig sköpuðu þau stól eftir eigin höfði og er útkoman afar fjölbreytt. Veitið þessum flottu verkefnum athygli þegar þið eigið leið hjá. 💜

Nemendur á fata- og textílbraut fóru í vettvangsferð í tengslum við Hönnunarmars í vikunni. Þau fengu fræðandi leiðsögn hjá Loga Pedro sem byggir á þáttunum Skapalón. Heimsóttar voru hinar ýmsu sýningar á Hafnartorgi. Svo var haldið í Garðabæ, á Hönnunarsafnið þar sem sýningin Nærvera var skoðuð með leiðsögn frá hönnuðinum Ýrúrarí.

Nemendur í áfanganum Hönnun og endurnýting á fata- og textílbraut stóðu fyrir fatamarkaði í vikunni þar sem notuð föt voru gefin eða seld ódýrt. Í áfanganum læra nemendur ýmsar aðferðir og trix til að búa til ný föt og fylgihluti úr því sem þau finna í fataskápnum. Með fatamarkaðnum eignast gamlar flíkur nýtt líf hjá nýjum eigendum og er markaðurinn liður í að sporna við hraðtísku eða ‘fast fashion‘ sem einkennist m.a. af ódýru hráefni og slæmri meðferð á starfsfólki. Fatamarkaðurinn fékk góðar viðtökur og verður eflaust endurtekinn. Fataslá mun standa áfram undir stiganum á 1. hæð á glerganginum þar sem nemendum er velkomið að skilja eftir fatnað sem nýtist þeim ekki lengur og jafnframt taka sér flíkur af slánni og gefa nýtt líf. 💜

Áslaug jarðfræðikennari fór með góðan hóp nemenda í fróðlega ferð á Reykjanesið í gær. 🌊🐚🗻🌋🪨

Frosti og Oka taka vel á móti ykkur í Hungurheimum alla skóladaga! Heitur matur í hádeginu ásamt tilbúnum samlokum, vefjum, salötum o.fl. á góðu verði. 💜

Málstofa á sjúkraliðabraut fór fram mánudaginn 27. mars. Þar fluttu útskriftarefni frábær erindi um hjúkrun, óskum við þeim öllum innilega til hamingju! Hér er hópurinn ásamt Hönnu Láru kennara á sjúkraliðabraut.

Þrír nemendur FB tóku þátt í Íslandsmóti iðn- og verkgreina í húsasmíði og rafvirkjun á viðburðinum Mín framtíð í Laugardalshöll 16.-18. mars. Jökull Jónsson keppti í húsasmíði og Natalía Hrafnsdóttir og Andri Snær Theódórsson kepptu í rafvirkjun. Öll stóðu þau sig með mikilli prýði og við óskum þeim innilega til hamingju með glæsilega frammistöðu! Aðrir nemendur á brautunum stóðu svo vaktina í kynningarbásnum okkar og svöruðu spurningum gesta um skólann og námið í FB og voru sérlega flottir fulltrúar skólans, við þökkum þeim öllum fyrir þeirra framlag!

Flestir nemendur á snyrtibraut FB tóku þátt í sýningunni Mín framtíð 2023 á einn eða annan hátt. Níu nemendur kepptu á Íslandsmóti iðn- og verkgreina en keppt var í litun og plokkun, andlitsmeðferð með handanuddi og kvöldförðun. Þær sem ekki kepptu ýmist kynntu fagið með því að bjóða upp á handanudd á bás Félags íslenskra snyrtifræðinga eða kynntu námið fyrir gestum og gangandi í kynningarbás FB. Nemendur voru til fyrirmyndar og þökkum við þeim fyrir sitt framlag á afar vel heppnuðum dögum. Úrslit keppninnar urðu svohljóðandi: 1. Kristín Ýr Gísladóttir 2. Silja Katrín Hallgrímsdóttir 3. Ólöf Helga Sigurðardóttir Allir keppendur stóðu sig einstaklega vel og við óskum þeim öllum innilega til hamingju með frábæra frammistöðu.

Mín framtíð 2023, Íslandsmót iðn- og verkgreina ásamt framhaldsskólakynningum, fór fram í Laugardalshöll 16.-18. mars. FB var með glæsilegan kynningarbás í höllinni þar sem fulltrúar úr hópi starfsfólks og nemenda kynntu nám á ólíkum brautum skólans auk þess sem nemendur í húsasmíði, rafvirkjun og snyrtifræði tóku þátt í Íslandsmótinu. Nemendur á sjúkraliðabraut mældu blóðþrýsting og mettun hjá gestum og gangandi, nemendur á listasviði teiknuðu andlitsmyndir, hægt var að fylgjast með nemendum á tölvubraut forrita og FabLab var á sínum stað svo eitthvað sé nefnt. Allir þeir nemendur sem voru á staðnum fyrir hönd FB stóðu sig með miklum sóma og voru glæsilegir fulltrúar skólans. Fleiri myndir og umfjöllun um keppendur eru væntanleg. Þau sem vilja kynna sér skólann, námið og þjónustuna betur eru velkomin á opið hús í FB þann 28. mars n.k. klukkan 17:00-18:30. Hlökkum til að taka á móti ykkur! 💜

Við fengum góða gesti í matsal nemenda í dag þegar samfélagslöggurnar kíktu í heimsókn. Samfélagslöggan sinnir svokallaðri samfélagslöggæslu sem er ætlað að færa lögregluna nær samfélaginu og efla tengsl við almenning, ekki síst unga fólkið okkar. Nemendur FB tóku gestunum vel og gátu spurt þau um ýmislegt varðandi störf lögreglunnar og annað sem brann á þeim. Hver veit nema við fáum samfélagslöggurnar í heimsókn aftur áður en langt um líður. 😊

Nemendur í áfanganum LOKA3LH03 (Lokaverkefni – heimildaritgerð) kynntu í dag ritgerðarefni sín fyrir samnemendum og verkefnastjórum áfangans. Verkefnin eru skrifuð undir handleiðslu faggreinakennara í sálfræði, félagsfræði, heimspeki, uppeldisfræði, jarðfræði, sögu, þýsku, íslensku, ensku, íþróttafræði, tölvufræði og líffræði og spannar efnisvalið mjög vítt svið. Dæmi um ritgerðarefni eru spilafíkn, Liverpool, Bubbi Morthens, stefnumótun í fíkniefnamálum, orkuauðlindir Íslands, Liverpool, gagnagrunnur tengdur við vefsíðu, Hayao Miyazaki, þróun Souls tölvuleikjanna og uppeldisaðferðir Díönu Baumrind. Nemendur stóðu sig ljómandi vel og verður spennandi að sjá afraksturinn!

Þvílíkur fyrsti dagur! Nemendur okkar sem keppa til úrslita í Erasmusverkefninu ‘European Voice of Tomorrow’ hófu frumkvöðlavikuna í Finnland á siglingu með M/S Viking Glory og sigldu þau frá Turku til Álandseyja og Stokkhólms. Á leiðinni var verkefninu hrint úr vör og fengu þau meðal annars fyrirtækjakynningu frá Viking Line sem einnig kynnti hópverkefni keppninnar! Nemendur okkar eru þau Jökull, Ingveldur, Svanborg og Stefán Darri. Þau standa sig virkilega vel og eru til fyrirmyndar í einu og öllu.💜Auk Íslands taka þátt nemendur og kennarar frá Ítalíu, Finnlandi, Portúgal og Noregi.🇮🇹🇫🇮🇵🇹🇳🇴🇮🇸Kennararnir Sigríður Ólafsdóttir og Heimir Jónsson eru með í för.#erasmusplus #europeanvoiceoftomorrow #erasmusiceland

Söngkeppni FB fór fram 1. febrúar þar sem fimm nemendur kepptu um að verða fulltrúi skólans í söngkeppni framhaldsskólanna. Kynnir kvöldsins var Júlíus Örn frá nemendafélaginu og dómarar voru Anton kokkur og Einar og Iveta enskukennarar. Sigurvegari kvöldsins var Sigurborg António Smáradóttir sem er á fyrsta ári á félagsvísindabraut og söng hún lagið As the Worlds Caves In sem Matt Maltese flutti upphaflega. Söngkeppni framhaldsskólanna fer svo fram 1. apríl n.k. Í Kaplakrika þar sem Sigurborg verður fulltrúi FB og við óskum henni góðs gengis!

Stór viðburður í sögu skólans. Í gær, 19. janúar, undirrituðu Ásmundur Einar Daðason mennta- og barnamálaráðherra og Dagur B. Eggertsson borgarstjóri viðauka við samning um stækkun á starfsnámsaðstöðu við Fjölbrautaskólann í Breiðholti. Stækkunin nemur þannig alls um 2.400 m² og er fyrir nám í húsasmíði, rafvirkjun og listgreinum en áður höfðu Lilja B. Alfreðsdóttir og Dagur B. Eggertsson undirritað samning um byggingu nýs verknámshúss upp á 2.100 m². Hin nýja verknámsbygging mun rísa á byggingarreit skólans við Hraunberg sem viðbót við Smiðjuna þar sem nú er kennd húsasmíði og myndlist. Þessi uppbygging á húsakosti skólans er brýn og afar kærkomin sem viðbragð við aukinni aðsókn nemenda í verk- og listgreinar. Fjölbrautaskólinn í Breiðholti er einn stærsti starfs- og listnámsskóli landsins og hafa umsóknir um skólavist aldrei verið fleiri. Búist er við frekari fjölgun á næstu misserum og mun þessi stækkun gera skólanum kleift að veita nemendum sem í skólann sækja fyrirtaks aðstöðu og þjónustu. Húsið á að vera byggt samkvæmt stöðlum um sjálfbærni, enda mikilvæg fyrirmynd fyrir þá kennslu sem þar skal fara fram. Við hönnun byggingarinnar verður gert ráð fyrir að hún uppfylli skilyrði um BREEAM vottun í samræmi við Loftslagsáætlun Reykjavíkurborgar 2021-2025. Kostnaðarskipting milli ríkis og borgar er 60% og 40% eins og kveðið er á um í lögum um framhaldsskóla. Að undirritun lokinni var ráðherra og borgarstjóra boðið til hádegisverðar í mötuneyti nemenda ásamt yfirstjórn skólans, formanni og varaformanni nemendafélagsins, sviðstjórum rafmagns, húsasmíði og listgreina ásamt fulltrúum nemenda af þessum brautum. 📸 Þórdís Erla Ágústsdóttir

Nemendur í íslenskuþorpinu heimsóttu nemendur í ensku, dönsku, þýsku og spænsku í vikunni. Þau heimsóttu Miðberg, lærðu saman landafræði, æfðu sig í spænsku, dönsuðu þjóðdansa, spiluðu spil, pub quiz og fóru í ratleiki. 💜

Í kvöld fer fram fyrsta viðureign FB á þessu keppnisári en þá mætast FB og Framhaldsskólinn á Húsavík. Lið FB skipa þau Bergdís Ósk Vilhjálmsdóttir, Davíð Örn Sigurðarson og Steindór Örn Gunnarsson, til vara eru Eva Sóllilja Einarsdóttir og Kári Hrafn Ágústsson. Þjálfarar liðsins eru Friðrik Sólnes Jónsson og Guðlaugur Jón Árnason, kennarar við skólann. Hér má sjá lið FB við æfingar, frá vinstri: Steindór, Bergdís, Eva Sóllilja, Kári og Davíð. Keppninni verður streymt beint á vef RÚV klukkan 20:20 https://www.ruv.is/frettir/efni/gettu-betur. Áfram FB!

Fleiri myndir frá útskriftinni! 1. Smiðir 2. Rafvirkjar 3. Snyrtifræði 4. Sjúkraliðar 5. Sjúkraliðar 6. Gjöf til húsasmiða frá Byko. 7. Rósir handa sjúkraliðum frá Sjúkraliðafélaginu. 8. Semídúx Ágúst Orri Hjálmarsson með viðurkenningu frá Rótarýklúbbnum Reykjavík-Breiðholt. 9. Emma og jólkortið sem vann🙌 10. Karin Rós Sigurardóttir dúx skólans hlaut fjölda verðlauna og meðal annars viðurkenningu frá Soroptimistaklúbbi Hóla og Fella. Til hamingju öll💜 Fleiri myndir má sjá á heimasíðu skólans. Myndir: Hafsteinn Snær